Mir stinn all dacks op der Waag, all Woch, vläicht souguer all Dag. Mee d'Zuel op der Waag, op déi Dir kuckt, seet eigentlech net esou vill. Dir kënnt Iech zum Beispill ze schwéier fillen, awer vläicht hutt Dir vill Muskelmass, an déi weit méi wéi Fett. Duerfir ass et super interessant, Iech op enger intelligenter Waag ze weien, well déi seet Iech vill méi wéi just Äert Gewiicht.

Eng Ganzkierperanalyse an Ärer Stuff

Dir musst haut net méi bei en deiere Personal Coach goen, fir eng Ganzkierperanalyse maachen ze loossen. Mat enger smarter Bluetooth-Wo kënnt Dir einfach doheem verschidde Kierpermiessunge maachen, ouni de Gedeessems mat Kabelen, déi Dir Iech op de Kierper pechen musst. Dir musst just Ären Handy mat der passender App verbannen an op d'Wo stoen, easy! D'Resultater kënnt Dir direkt an der App ofliesen.  
Beim Wéien ass et wichteg, dat ëmmer zur selwechter Zäit ze maachen, am beschte moies, ier Dir giess a gedronk hutt. Esou kritt Dir e gutt Bild vun Ärem Gewiicht an Ärer Gesondheet. Owes sidd Dir nämlech duerch Iessen an Drénken ëmmer méi schwéier wéi moies, dat kann heiansdo bis zu 2 kg Ënnerscheed ausmaachen. 

D'smart Wo als Coach

Eng smart Wo kann Iech bei ënnerschiddlechen Ziler gutt ënnerstëtzen. Wann Dir ofhuele wëllt, zouhuele wëllt oder méi Muskelen opbaue wëllt, kann eng smart Wo Iech dobäi ganz gutt hëllefen. Esou kann dës intelligent Wo Iech ënner anerem soen, wéi vill Dir weit, a wéi et ëm Ären BMI, Äert Kierperalter, Är Muskelmass, Äert Viszeralfett, Är Knachemass, Äert Ënnerhautfett, Äre Puls an Är Kierperbalance steet. Et ass eigentlech e ganz fortgeschrattene Computer, verstoppt an enger Wo. 

Ären healthy Lifestyle iwwerwaachen

Vläicht hutt Dir kee sportlecht Zil, mee wëllt Dir Är Gesondheet am A behalen. Et kann sinn, datt Äre Fettundeel ze héich ass, an dat ka sérieux Gesondheetsrisike mat sech bréngen. Wann zum Beispill Ären Undeel u Viszeralfett, och Bauchfett genannt, ze héich ass, kann dat ënner anerem zu Diabetes, Häerz-Kreeslaf-Krankheeten an héije Blutdrock féieren. Et ass also ganz wichteg, dat fir Iech selwer am A ze behalen.

Praktesch App fir Iech ze ënnerstëtzen

Bei enger smarter Wo gëtt et ëmmer eng passend (gratis) App. Déi kënnt Dir eroflueden, an nodeems Dir Är Donnéeën aginn hutt, kann et lassgoen. Soubal Dir ufänkt Iech ze wéien, ginn all Miessungen an der App gespäichert. Esou gesitt Dir ganz einfach an an enger kloerer Iwwersiicht, wéi Dir Iech entwéckelt. Dat kann Iech extra Motivatioun ginn, fir zum Beispill weider Sport ze maachen a méi gesond ze iessen, oder wéi en Zil Dir Iech och ëmmer gesat hutt. D'App ass wierklech eng Stäip a weist Iech, wou Dir elo steet. Bei deene meeschte smarte Wue kënnt Dir souguer e puer Persounen an der App bäisetzen, an d'Donnéeë bleiwen ordentlech an hirem eegene Profil gespäichert. Esou kann jiddereen an Ärem Stot d'Wo benotzen. Et hëlleft dacks, zesummen en Zil ze setzen a sech géigesäiteg ze ënnerstëtzen.

Méi smart wéien

Stellt Iech vir, Äert Zil ass et, ofzehuelen. Dir maacht vill Sport, Cardio an heiansdo Krafttraining. Op enger normaler Wo gesitt Dir op eemol Äert Gewiicht klammen a mengt, datt all dat Trainéiere näischt bréngt, well Dir anscheinend just zouhuelt. Hä? Wéi dat dann?

Op enger smarter Wo gesitt Dir, datt Äert Gewiicht tatsächlech geklommen ass, mee datt Dir u Muskele zougeholl hutt. Är Muskelen hu sech méi entwéckelt, an dat ass normal, wann Dir vill trainéiert. Ouni smart Wo hätt Dir wahrscheinlech schonn d'Flënt an d'Kar geheit, well Dir gesitt jo just d'Zuel op der Wo klammen, a fort ass d'Motivatioun. Dofir ass eng smart Wo wierklech eng Léisung, well Dir gesitt genee, wat an Ärem Kierper geschitt. 

Wann Dir e Sport- an/oder Gesondheetszil hutt, kënnt Dir also eigentlech net méi ouni esou eng smart Wo. Et ginn haut vill verschidde smart Wue mat prakteschen Funktiounen, vläicht ass jo eng dovunner eppes fir Iech?

Wuerekuerf
Dir hutt keng Produiten an Ärem Wuerekuerf.
Subtotal
€0,00
Liwwerkäschten
€0,00 Gratis

Total
€0,00
inkl. TVA
PayPal
VISA
Mastercard